मोगरा फुलला ई-दीपावली अंक २०११: आठवण

आठवण नसावी उन्हासारखी
मनास भाजून काढणारी
जेव्हा कधी येईल तेव्हां
हृदयी चटका लावणारी ॥१॥

आठवण नसावी थंडीसारखी
कमी-जास्त होत राहणारी
जेव्हां येईल तेव्हां तेव्हां
अंगास कापरं भरणारी ॥२॥

आठवण नसावी पावसासारखी
एकदाच येऊन जाणारी
भरभरूनी काही देताना
दुसर्‍याला रीतं करणारी ॥३॥

आठवण नसावी वार्‍यासारखी
फक्त वाहत राहणारी
मनी येऊनी जाताना
उगाच एकटं करणारी ॥४॥

म्हणूनच असे म्हणतात की...

आठवण असावी सावलीसारखी
सतत सोबत करणारी
आपण तिला सोडले तरी
आपल्याच जवळ राहणारी ॥५||

आठवण असावी शालीसारखी
मन-हृदयी ऊब देणारी
अपशब्दांचाही मारा होता
सद्‌विचारांनी जपणारी ॥६॥

आठवण असावी रिमझिमणार्‍या
धारांसारखी बरसणारी
कितिही विसरू म्हटले तरी
मनातच रुंजी घालणारी ॥७॥

आठवण असावी मंद झुळूक
मनास अलगद स्पर्शिणारी
कितिही दु:ख उरी दाटता
वास्तवातही हर्षविणारी ॥८॥
--
प्रियांका पाटणकर (सुचिता देवधर)
priyanka_sweetheart24@yahoo.co.in

10 comments:

Suhas Diwakar Zele, October 20, 2011 at 1:35 PM: आठवण असावी मंद झुळूक
मनास अलगत स्पर्शणारी
कितीही दु:ख उरी दाटता
वास्तवातही हर्षवणारी

सुंदर !!
SP, October 20, 2011 at 4:34 PM: Khupach Chan...
क्रांति, October 20, 2011 at 6:53 PM: प्रियांका, फारच सुंदर कविता आहे! आठवणींचा किती वेगवेगळ्या कोनांतून आढावा घेतला आहेस! आवडली मनापासून.
ashokanand, October 20, 2011 at 7:15 PM: Khoopach chhan
ashokanand, October 20, 2011 at 7:18 PM: namaskar

tried to write to you on priyanka sweetheart24@yahoo.co.in in marathi
it could not be delivered to you.
Anonymous, October 21, 2011 at 12:14 AM: कविता करावी तर अशी
सुंदर,मन मोहवणारी
कोणी वाचेल तेव्हा
स्वत:च व्यक्त होणारी.......... :)
Shreya's Shop, October 21, 2011 at 7:53 AM: This comment has been removed by the author.
Shreya's Shop, October 21, 2011 at 7:53 AM: आठवण म्हणजे मनात रुंजी घालणारी, सद्‍-विचारांना जपणारी, आपल्याच जवळ रहाणारी आणि वास्तवातही हर्षविणारी...... बहोत खूब ! आता आठवण म्हटली की हेच आठवत राहील.
Shreya's Shop, October 21, 2011 at 10:11 AM: @ashokanand...... तो ईमेल आयडी

priyanka_sweetheart24@yahoo.co.in

असा आहे.
Suresh Shirodkar, November 9, 2011 at 8:15 PM: मस्त !!

आता आठवण म्हटली की हीच कविता आठवत राहील.