आनंदच वेगळा!

साठी बुध्दी माझी
झाली की हो नाठी
कविता लिहिण्यासाठी
गावली कोरी पाटी

गैरवर्तन करतोय
सरळ सोप्या शब्दांशी
शब्दांतून खेळतोय
भोगलेल्या अब्दांशी

निवडुंगाचं रान
आठवतंय मला
त्यात सुध्दा रमण्याची
अवगत होती कला

आता बागेत गुलाबाचा
काटा पण रुततोय
थोड्याशा दु:खाने
जीव आत रडतोय

काळ पडला मागे
जीवनमान सुधारले
वेदनांचे भाव कसे
एकदम वधारले

श्रीमंतीच्या हव्यासानं
भाव विश्व अंधारलंय
भोगवट्याचं भूत
जास्तच उंडारलंय

कष्टानं खडबडलेला
हात आवडे तिचा
कष्ट सोडून तिनं नटावं
हीच आता मजा

पिठलं भाकर जेवण
झालंय आता वजा
स्टेटससाठी मागवतोय
न आवडणारा पिझा

आनंदाच्या नगरीत
रहतोय बनून बगळा
सुखी माणसाचा सदरा
होतोय मला डगळा

आयला, या सुखामुळे
माणूस होतोय पांगळा
गरिबीत जगण्याचा
आनंदच वेगळा!
--
निशिकांत देशपांडे
nishides1944@yahoo.com

3 comments:

क्रांति October 20, 2011 at 7:03 PM  

समृध्दीच्या मागे लागून खऱ्या सुखापासून दूर जाणाऱ्या जिवाची परवड चांगली मांडली आहे कवितेत. आवडली कविता.

Anonymous,  October 21, 2011 at 12:24 AM  

सहीच विचार, अगदी सहमत ...कविताही छान झाली आहे ...

Suresh Shirodkar November 9, 2011 at 8:32 PM  

क्रांतीच्या विचारांशी सहमत.

सुंदर कविता..

Post a Comment

शुभ दीपावली! आपल्या प्रतिक्रियांमुळे उत्साह निश्चितच वाढणार आहे.
मोगरा फुलला ई-दीपावली अंक व अंकातील साहित्यावर आपला अभिप्राय अवश्य नोंदवा.

Creative Commons License
Mogaraa Fulalaa E-Deepavali Ank 2011 by The Editor is licensed under a Creative Commons Attribution-NonCommercial-NoDerivs 2.5 India License.
Based on a work at mfda2011.blogspot.com.

Permissions beyond the scope of this license may be available at http://mfda2011.blogspot.com/p/feedback.html.


  © Blogger template On the road by Ourblogtemplates.com 2009

Back to TOP